"ತಪ್ಪು ಯಾರದು?"

ಮೋಸ ಮಾಡಿದ್ದು ಅವಳಲ್ಲ
ನಾನೇ ಮೋಸ ಹೋದೆ ಅದು
ನಿಮ್ಮಿಂದಲೇ ಅಂತ ಕಣ್ಣು,
ಮನಸ್ಸು,ಹೃದಯದ ಮೇಲೆ ಕೂಗಾಡಿದೆ
ಸುಮ್ಮನೆ ಹೋಗುತ್ತಿದ್ದ ನನ್ನನ್ನು ಅವಳನ್ನು
ನೋಡು ನೋಡು ಅಂದಿದ್ದು ಮನಸ್ಸು ಅದಕ್ಕೆ
ನೋಡಿದೆ ತಪ್ಪು ನನ್ನದಿಲ್ಲ ಅಂದಿತು ಕಣ್ಣು...

ನಾನು ರಸ್ತೆಯಲ್ಲಿ ಹೋಗುವವರನ್ನೇಲ್ಲಾ
ನೋಡು ಅಂತ ಹೇಳುತ್ತೀನಿ ಆದರೆ
ಪ್ರೀತಿಸು ಅಂದಿಲ್ಲ ಅವಳಿಗೆ
ನಿನ್ನೆದೆಯಲ್ಲಿ ಜಾಗ ಕೊಟ್ಟಿದ್ದು
ಹೃದಯ ತಪ್ಪೆಲ್ಲ ಅವನದೇ
ನನ್ನ ತಪ್ಪಿಲ್ಲ ಅಂದಿತು ಮನಸ್ಸು....

ನನ್ನ ಮಾತು ಕೇಳುತ್ತಿರಲಿಲ್ಲ ನೀನು
ಒಬ್ಬನೇ ಇದ್ದು ಇದ್ದು ಬೇಸರವಾಗಿತ್ತು
ಪ್ರೀತಿಯ ಪ್ರಪಂಚ ನಿನಗೆ
ತೋರಿಸುವ ಆತುರದಲ್ಲಿ
ನೋಡಲು ಮುಗ್ಧವಾಗಿದ್ದ ಅವಳು ನಿನಗೆ
ಸರಿಯಾದ ಜೋಡಿ ಆಗುತ್ತಾಳೆಂಬ
ನಂಬಿಕೆಯಲ್ಲಿಜಾಗ ಕೊಟ್ಟಿದ್ದು
ನನ್ನದೇ ತಪ್ಪು ಆದರೆ ನೀನು
ಮೋಸ ಹೋಗಲೂ ನಿನ್ನ ಅತಿಯಾದ
ನಂಬಿಕೆ ಮತ್ತು ಪ್ರೀತಿಯೇ
ಕಾರಣ ನನ್ನದೇನು 
ತಪ್ಪಿಲ್ಲ ಅಂದಿತು ಹೃದಯ.....

ಹೌದು ನನಗೆ ಮೋಸ ಮಾಡಿ
ಹೋದವಳನ್ನು ಮರೆಯುವ ಬದಲು
ಅವಳನ್ನು ಪದೇ ಪದೇ
ನೆನಪಿಸಿಕೊಳ್ಳುವ ನಾನೇ ತಪ್ಪು
ಮಾಡುತ್ತಿರುವುದು
ತಪ್ಪೆಲ್ಲ ನನ್ನದೇ....
          
          - ಎನ್.ರಾಜೇಶ್.ಕುಮಾರ್.ನೇರಳಕಟ್ಟೆ...