"ಪಯಣ"

ಇಷ್ಟಪಟ್ಟ ಹುಡುಗಿಯ ಜೊತೆ
ಪ್ರೀತಿಯೆಂಬ ಬಸ್ಸು ಏರಿ
ಪಯಣ ಶುರುಮಾಡಿದೆ
ಪ್ರೀತಿಯ ಹುಡುಗಿ ಜೊತೆಯಲ್ಲಿರುತ್ತಾಳೆಂಬ
ಧೈರ್ಯದಲ್ಲಿ ಕಣ್ಣುಮುಚ್ಚಿ ಕನಸು
ಕಾಣತ್ತಿದ್ದೆ ಜೀವನದ ಬಗ್ಗೆ.....

ಆದರವಳು ಮಧ್ಯೆದಾರಿಯಲ್ಲಿ
ಸಿಕ್ಕ ಇನ್ನೊಬ್ಬನ ಜೊತೆ ಇಳಿದುಹೋಗಿದ್ದು
ನನಗದು ತಿಳಿಯಲೇ ಇಲ್ಲ....

ಕಣ್ಣು ತೆರೆದು ನೋಡಿದಾಗ
ವಾಪಾಸು ಬರಲಾರದಷ್ಟು ದೂರ ಬಂದು
ದೊಡ್ಡ ಕಣಿವೆಯ ಎದುರು ಪ್ರೀತಿಯ ಬಸ್ಸು ನಿಂತಿತ್ತು
ಮುಂದೆ ಹೋಗಲ್ಲಿಕೆ ದಾರಿಯಿಲ್ಲ
ಹಿಂದೆ ಬರಲ್ಲಿಕ್ಕೂ ತಿರುವು ಇಲ್ಲ
ಆ ಪ್ರೀತಿಯೆಂಬ ಬಸ್ಸಲ್ಲಿ ನನ್ನ ತರದವರೇ
ತುಂಬಾ ಜನ ಇದ್ದರು
ಪ್ರೀತಿಸಿದವಳು ಮೋಸ ಮಾಡಿದಳೆಂದು
ಏನು ಸಹ ಆಲೋಚಿಸದೇ
ಅದೇ ಕಣಿವೆಗೆ ಹಾರಿ ಪ್ರಾಣಬಿಟ್ಟರೆ
ಇನ್ನುಳಿದವರು ಹಿಡಿಶಾಪ ಹಾಕುತ್ತಿದ್ದರು
ಪ್ರೀತಿಗೆ ಪ್ರೀತಿಸಿದವಳಿಗೆ...

ನಾನು ಮೋಸಮಾಡಿದವಳಿಗೋಸ್ಕರ
ಸಾಯದೇ ಕೊರಗದೇ
ಮರಳಿ ಹಳೆಯ ಜೀವನಕ್ಕೆ
ತಿರುಗಿ ಹೋಗಲೂ
ದೇವರು ಕಾಲುದಾರಿಯನ್ನಾದರೂ
ಇಟ್ಟಿರುತ್ತಾನೆ ಅನ್ನುವ
ನಂಬಿಕೆಯಲ್ಲಿ ಕಗ್ಗಾಡಿನಲ್ಲಿ
ದಾರಿ ಹುಡುಕುತ್ತ ನಡದೇ ಒಬ್ಬಂಟಿಗನಾಗಿ

                  ಎನ್.ಆರ್.ಕೆ.ನೇರಳಕಟ್ಟೆ...